Во текот на минатата недела по спроведена дисциплинска постапка, донесени се 20 решенија против 20 вработени во Министерството за внатрешни работи поради сторени повреди во работењето. Притоа, на тринаесет вработени им е изречена мерка “парична казна“, на четири вработени мерка – “отказ“ на еден вработен мерка – “откажување на договорот за вработување”, на еден “писмено предупредување” и на еден вработен мерка – “запирање на постапката”.
Повреда во работењето извршила и вработена во граничната полиција на аеродромот „Свети Апостол Павле“. Изречена и е мерка „отказ” бидејќи постапила спротивно на правилата и прописите на Министерството, го злоупотребила и пречекорила даденото овластување и извршила дејствие што претставува кривично дело.
Казнет е и раководител на смена во Полициската станица на граничниот премин Ќафасан на кого му е изречена мерка „парична казна” , бидејќи постапил спротивно на правилата и прописите на МВР.
OhridNews
