Во автокампот „Љубаништа“ вчера беше отворена еколошко-нуркачка станица во Љубаништа во чест на прерано починатиот нуркач Дејан Костојчиноски.
Истата е опремена со компресор, боци за нуркање, а во насока на реализација на еколошки акции во дел од езерото кај Љубаништа, Трпејца и Свети Наум.
Еколошката станица е наменета за заштита на животната средина, намалување на загадувањето на езерото и природата, и поддршка на кампот, информираат од Клубот за подводни дејности „Охрид“.
Идејата за отворање на нуркачна станица, велат од Клубот, била на Костојчиноски, кој воедно имал и максимално професионално изготвен проект за нејзина реализација.
Инаку, Дејан Костојчиноски почина ненадејно во март 2025 година на 43 годишна возраст.
Н.С.Ј.
