“Азурите“ не го искористија поразот на Јувентус во дербито со Рома и со победа над Сампдорија да се доближат на два бодови од “старата дама“ на врвот од табелата. Избраниците на тренерот Валтер Мацари неочекувано ремизираа без голови 0-0 на домашен терен и сега разликата меѓу овие два тима изнесува четири бодови.
На “наполитанците“ не им помогна ниту влегувањето во игра на македонскиот репрезентативец Горан Пандев во 60-та минута на местото од Бритос. Најдобрите прилики за погодок во мрежата на гостите му припаднаа на Кавани, но Уругваецот немаше свој ден.
Резултати : Наполи – Сампдорија 0-0, Торино – Аталанта 2-1, Катанија – Болоња 1-0, Џенова – Удинезе 1-0, Пескара – Каљари 0-2, Фиорентина – Интер 4-1.
Табела : Јувентус 55, Наполо 51, Лацио 44, Милан 44, Интер 43…
Мх.П.
