Со два возбудливи натпревари вечерва беше спуштена завесата на групната фаза од традиционалниот турнир во мал фудбал „Велгошти 2026“, а веќе утре започнува најинтересниот дел од натпреварувањето, елиминациската фаза.
Во првиот натпревар кој одлучуваше за првото место во групата, Студио 13 и Екстра Скопско одиграа неизвесен дуел кој во регуларниот тек заврши без победник 2:2. Победникот беше решен по изведувањето пенали, каде повеќе присебност покажаа фудбалерите на Екстра Скопско, кои славеа со 6:5.
Во вториот меч, Др. Баткоски убедливо со 4:1 го совлада Дооел Ноче, потврдувајќи ја добрата форма пред почетокот на елиминациските натпревари.
Турнирот продолжува утре со првите осминафинални пресметки, во кои екипите немаат право на поправен. На програмата се три интересни дуели:
20:30 Инекс Олгица Хотел и Спа – Студио 13
21:30 Сатеска – Св. Троица
22:30 Идеал рент а кар Струга – Бразилиан
OhridNews
