– Mногубројната домашна и странска публика беше сведок на една феноменална изведба. Поуспешно отварање на првиот џез фестивал во Охрид и не можеше да се случи, а за тоа да биде така се погрижи бендот на Васил Хаџиманов, кој со својот препознатлив фанк/фјужн стил, низ енергични импровизациски солажи едноставно не и даде здив на публиката.- е оценка на организаторите.
На вториот фестивалски ден, ќе настапи квартетот на Костас Теодороу од Грција, кој со својот етно/џез стил ке се обиде да ги отвори срцата на македонската публика. Самиот Костас изјавува дека овој концерт во најубавиот град во нашата држава му значи многу, со оглед дека е од македонско потекло и добро го зборува македонскиот јазик.
И овој концерт, исто така, ќе се одржи на плажата „Куба Либре“ со почеток во 22 часот.
