Бесплатната вакцинација против сезонски грип почнува од денеска, 22 ноември, информира Министерството за здравство.
За оваа сезона набавени се вкупно 28.000 вакцини, кои се бесплатни и наменети се за лица над 65 години, лица со хронични заболувања, деца на возраст од 6 месеци до 5 години, бремени жени, како и здравствени работници. Центрите за јавно здравје набавија 21.000 комерцијална вакцина, кои веќе се достапни за граѓаните од понеделникот. – истакна министерот за здравство Венко Филипче.
Министерот истакна дека станува збор за вакцини од реномирани странски производители, меѓу кои 27.000 вакцини се од Mylon Abot, а илјада вакцини од Sanofi.
Пикот на активноста на вирусот на сезонски грип се очекува во месец февруари, а вакцинацијата во овој период, ноември и декември ќе обезбеди најголема заштита во периодот кога се очекува активноста на вирусот да биде највисока, велат од Министерството за здравство.
OhridNews
