Иницијативата за радружување на меѓуопштинското јавно претпријатие Проаква досега го чини 800.000 евра. Толку пари  странските донатори и кредитори замрзнаа досега незадоволни од одлуката за поделба на јавното п-тие.

Поради неадекватната постапка за раздружување што ја иницираа  општините Струга и Охрид, швајцарската влада ја суспендира помошта од 650.000 евра за меѓуопштинското јавно претпријатие Проаква со која требаше да се изградат 6 пумпни станици на источниот брег од Охридското Езеро.

Вршителот на должност директор на МЈП Проаква, Бранко Трпчески потврди дека е прекината швајцарската донација.

“Се работи за опрема за колекторскиот систем кој веќе е стар 20 година и е амортизиран. Потребно е  освежување на системот така што  во случајот опремата ни е е неопходна“, рече Трпчески кој изрази надеж дека владата ќе помогне во разубедувањето на швајцарците да не ја повлекуваат помошта.

Државниот секретар во министерството за животна средина Дејан Паноски, рече дека министертвото ќе се заложи во надминувањето на проблемот, но очекува позитивен однос од двете локални  самоуправи кон прроблемот со што ќе се овозможи повторно отворање на швајцарската помош.

И покрај предупредувањата од експертите дека  радружувањето  ќе предизвика сериозни последици, општините Струга и Охрид ја отпочнаа  поделбатата на МЈП Проаква. Поради тоа  КФВ банката од Франкфурт ги замрзна средствата од кредитот во висина од 250.000 евра, а швајцарската влада испораката на опремата вредна 650.000 евра. И покрај јасните пораки од странските инвеститори на чие инсистирање во 1999 година беше формирано меѓуопштинско ЈП-је, општините не отстапуваат од намерата за поделба на Проаква, бидејќи сметаат дека јавното претпријатие не може да опстане во сегашната форма.

Според најавите МЈП Проаква треба да се подели на три работни единици, водовод Охрид, водовод Струга и посебно претпријатие кое ќе управува со колекторот и кое ќе биде во сопственост на државата.

Г. Момироски