Поради зголемената опасност од појава на шумски пожари, а согласно препораките на Владата на Република Северна Македонија и во соработка со Министерството за земјоделство, шумарство и водостопанство, се продолжува забраната за движење во шумите на територијата со која управува Јавната установа Национален парк Галичица.

Забраната, како што информираат од ЈУНП Галичица продолжува од 01.09.2026 до 30.09.2026 година.

Во овој период, движењето низ шумските подрачја ќе биде дозволено исклучиво согласно пропишаните правила и процедури на ЈУ Национален парк Галичица. Овие мерки се воведуваат со цел да се заштити природното богатство на паркот, да се намали ризикот од појава и ширење на шумски пожари и да се обезбеди безбедност за сите посетители.

Посетителите треба да ја пријават својата посета со регистрација преку електронска форма по што ќе добијта автоматска е-мејл потврда, која треба да ја зачуваат и да ја прикажат на овластено лице доколку биде побарана.

Вашата регистрација значи одговорност и придонес за зачувување на шумите и биодиверзитетот на Галичица, потенцираат.

Пријавувањето е на линкот.

OhridNews