Охрид продолжува да старее и да го намалува бројот на жители. Негативен тренд e забележан и во последниот квартал од 2016 година.
Според податоците на Државниот завод за статистика, во четвртото тримесечје од 2016 година во Охрид се родиле 130 бебиња, а умреле 174 лица. Во истиот период во Охрид биле склучени 70 бракови, а 11 биле разведени.
За разлика од Охрид, во Струга има позитивен тренд и во четвртото тримесечје од 2016. Во тој период во Струга родени се 155 бебиња, а починале 131 лице. Склучени биле 95 бракови, а разведени 29.
Според податоците на Државниот завод за статистика, бројот на живородените деца во четвртото тримесечје од 2016 година во земјава, во споредба со истиот период од претходната година, е зголемен за 1.1% и изнесува 5 669 живородени деца.
Бројот на умрените лица во четвртото тримесечје од 2016 година бележи зголемување од 2.4% во споредба со истото тримесечје од 2015 година и изнесува 5 327 лицa, а од нив 55 се умрени доенчиња.
Природниот прираст изнесува 342 лица, што значи, за толку лица бројот на живородените деца е поголем од бројот на умрените лица.
Бројот на склучените бракови во ова тримесечје од годината е намален за 15.4% во споредба со истиот период од 2015 година и изнесува 2 922 бракови.
Бројот на разведените бракови во ова тримесечје од 2016 година е зголемен за 7.9% во споредба со истиот период од 2015 година и изнесува 720 разведени бракови.
OhridNews
