Социјалдемократскиот сојуз на Македонија претстојниот викенд работно ќе го мине во Охрид, каде утре вечер на главниот плоштад со почеток во 20.30 часот ќе одржи митинг на кој Александар Петрески и официјално ќе биде промовиран во кандидат за градоначалник.
Покрај митингот предвидени се средби со граѓани и други активности кои ќе бидат најавени денеска на прес конференција на која ќе се обратат претседателот на СДСМ Бранко Црвенковски и градоначалникот на Охрид, Александар Петрески.
Според најавите, по митингот во Охрид, СДСМ ќе направи двонеделна пауза, по што партијата ќе продолжи со започнатите активности.
OhridNews
