Топлиот бран придонесе за пораст на температурата на водата во Охридското Езеро која утрово според мерењата на Управата за хидрометеоролошки работи изнесува 22.5 степени Целзиусови. Жешкото време и топлата вода ги наполнија плажите на охридската ривиера, што заедно со добрата посетеност на Охрид за време на изминатиот празничен викенд е одлична најава за главната туристичка сезона.
Нивото на Охридското Езеро и натаму е под нивото за месец јуни и според денешните мерења на УХМР се наоѓа на 28 сантиметри над минималната кота од 693.17 метри надморска висина.
OhridNews
