Репортери без граници бараат од мисијата на ЕУ во Македонија да апелира до властите во Скопје да го ослободат новинарот Томислав Кежароски, кој од пред неколку дена е во притвор поради објавување на идентитет на заштитен сведок во судски процес кој се водеше пред Основниот суд во Велес пред пет години.
Реагираа и здруженијата на новинари од Хрватска и Босна Херцеговина, како и синдикатот на медиумски работници на Србија, кои исто така бараат ослободување на притворениот македонски новинар.
Тие испратија писмо до Синдикатот на медиумските работници во Македонија, во кое изразуваат солидарност со македонските новинари кои застанаа во одбрана на колегата Кежароски.
OhridNews
