Американскиот амбасадор во Македоднија, Филип Рикер, при неговата посета на Охрид денеска, на инсистирање на новинарите кусо ги прокоментира случувањата во северна Грција кои деновиве кулминираа со приведувањето на четворица македонски новинари:
-За инцидентите во Грција прочитав и видов од медиумите. Немав прилика да ги видам сите факти за потполно да ја согледам ситуацијата, но разбрав за реакцијата на македонските власти кои го покренаа прашањето пред грчките власти. За тоа впрочем служи дипломатијата и меѓусоседските односи, да се изрази загриженост и да се дискутира за тоа. Немам повеќе информации за случувањата во Грција, бидејќи патував денеска кон Охрид, дипломатски одговори Рикер.
Г.М.
