Во петок, 29 мај, ќе се одржи настанот „Chill & Connect“ – Саем за волонтерски можности во Охрид во организација на Младински Центар Охрид во соработка со локални партнери и организации.
Настанот ќе се одржи на плоштад Христо Узунов (до Pako House) во Охрид, во периодот од 11:00 до 15:00 часот.
„Chill & Connect“ претставува третото издание на Саемот за волонтерски можности, кој оваа година се реализира во поопуштен и современ формат, со цел да ги поврзе младите и граѓаните со локалните организации, фестивали и иницијативи кои нудат можности за волонтирање во текот на летниот период во Охрид.
Посетителите ќе имаат можност да се запознаат со околу 10тина организации и фестивали, да добијат информации за волонтерски ангажмани, да учествуваат во интерактивни активности, и директно да се пријават како волонтери на лице место; велат организаторите.
Настанот ќе вклучува и DJ сетови, музика и неформална атмосфера, како и придружна гастрономска понуда и освежување, со цел создавање на отворен и пријателски простор за младите.
OhridNews
