Во СВР Охрид, вчера попладне, од страна на вработен во Јавното претпријатие „Водовод-Охрид“, пријавено е дека при изведување градежни работи на улицата „Абас Емин“ во Охрид, пронашле една метална шипка со рачно вграден механизам за окинување, информира портпаролот на СВР Охрид Стефан Димовски.
Предметот е одземен и предаден на вештачење, а според првичните информации се работи за самоделска направа која нема допирна точка со оружје.
Исто така вчера, во 20.20 часот, врз основа на наредба од Основниот суд Охрид, приведен е 36-годишен охриѓанец. Тој е спроведен во Казнено поправната установа – затвор во струшкото село Теферич, за издржување затворска казна, соопшти полицијата.
OhridNews
