“Dissimilar images” или „Неповрзани слики“ е самостојна изложба на српскиот уметник Никола Пешиќ и четврта изложба во рамки на Летната уметничка резиденција 2026, а ќе биде отворена утре во 20:30 часот во Култ Културен Центар во Охрид. Изложбата е курирана од Krug Community Spaces од Белград.
Препознаен како еден од најзначајните српски современи уметници од својата генерација, Пешиќ развива препознатлив уметнички јазик речиси три децении, од средината на 1990-тите до денес. Изложбата опфаќа дваесет избрани дела, одбрани од самиот уметник и претставени во форма на принтови, кои нудат преглед на неговиот уметнички развој.
Во своето творештво, Пешиќ ги поврзува филозофијата, науката и духовноста преку визуелен јазик на редуцирани форми и симболички претстави.
OhridNews
