На 15 март истекува рокот до кој вработените од Билатералниот секретаријат за заштита на Охридското Езеро треба да се иселат од старите простории во некогашното училиште Свети Климент, кое по пат на денационализација е вратено во сопственост на Македонската православна црква .
Во тек е процедурата за изнаоѓање нови прострии во кои ќе бидат сместени канцелариите на секретаријатот. Капетанијата, Јавното претпријатие за стопанисување со станбен и деловен простор- се само дел од можните опции кои се разгледуваат како соодветни каде можат да се сместат канцелариите на секретаријатот.
– Процедурата е во тек, имаме поднесено барање до Владата да ни додели на користење еден простор кој е во нејзино владение во Охрид, а кој ќе одговара на нашите потреби, вели Дејан Паноски, раководителот на Билатералниот секретаријат за заштита на Охридското Езеро кој функционира во рамки на Министерството за животна средина.
OhridNews
