Тримесечните извештаи за работата на јавните претпријатија, реализација на програмите за развој на туризмот, локалниот економски развој, животна средина, образование, спорт, култура, за јавна чистота… пред советниците денес на десеттата седница на Совет која се одржува во општинската зграда.
На Дневен ред се 52 точки меѓу кои и извештаите за реализацијата на капитални проекти како катната гаража, програмата за изградба на системи за водоснабдување, проектот „Реконструкција на линиски инфраструктурен објект за фекална и атмосферска канализациона мрежа за дел од улици „Малесија“, „Александар Гушо“, „Трајче Дојчиноски“, „Први мај“, „Вангел Николоски“, „Дебрца“ и „Момчило Јорданоски“, како и извештајот за остварување на буџетот на Општина Охрид за периодот од 01.01. до 31.03.2026 година.
Опфатени се и неколку точки кои се однесуваат на експропријација на градежно земјиште.
OhridNews
