Ракометниот клуб Вардар ќе ја брани титулата во регионалната СЕХА лига. Предизвикувач на „црвено црните“ во финалниот натпревар ќе биде унгарскиот гигант Веспрем.
Избраниците на Стефче Алушовски во полуфиналето од фајнлфор турнирот во Задар славеа против составот на Загреб после изведување на пеналите. Регуларниот дел од мечот заврши 26-26, а „вардарци“ со 4-3 славеа во пенал рулетот.
.@SEHALeague Final4:
Vardar 26-26 Zagreb
Huuuuge comeback by RK Vardar led by Ristovski. Down 24-18 after 51. Scores at the buzzer for 26-26. Now? Penalty shoot-out!#handball #sehaleague pic.twitter.com/uOqWiqQxOC— Rasmus Boysen (@RasmusBoysen92) September 4, 2020
Вардар во 50-та минута од натпреварот имаше негатива од шест погодоци (23-17), но со фантастичен финиш успеа да стигне до егал 26-26. Во пенал серијата за Вардар голови постигнаа Дибиров, Вујин, Јотиќ и Дисингер додека Ристовски одбрани два од петте удари на хрватите.
Финалните натпревари од завршниот турнир во СЕХА лигата се играат в недела. Прво на програмата е малото финале во кое ќе се сретнат Мешков Брест – Загреб, а во 20:30 часот ќе се судрат Вардар и Веспрем во финалето.
OhridNews
