Додека на аеродромот Свети Апостол Павле пристигнуваат учесниците на Безбедносниот форум на НАТО, претпладнево  претседателот Цвенковски и премиерот Груевски имаа одвоени средби со генералот Ленс Смит, командант на Командата за трансформација на НАТО.
НАТО генералот денеска на работен ручек во вилата „Лозје“ се сретна и со министрите за одбрана на Македонија и Албанија, Еленовски и Медиу. На средбата како што истакна Еленовски станало збор за реформите на АРМ, и за подршката на НАТО  за  нивно реализирање.

Запрашан дали Македонија на самитот в година во Букурешт ќе добие покана за членство во Алијансата, генералот Смит истакна дека тоа ќе биде политичка одлука но од воена гледна точка  АРМ  има направено голем прогрес  и се движи во вистински правец. Ленс и се заблагодари на Македонија за присуството на нејзини воени трупи во Авганистан и Ирак и го пофали, како што рече, професионалниот однос на македонските војници.

Министерот за надворешни работи Антонио Милошоски одржувањето на вториот Безбедносен форум на ЕАПС во Охрид го оцени како голема можност Македонија да се претстави како држава сериозен кандидат за членство во НАТО.

Поголемииот дел од учесниците на форумот во Охрид попладнево пристигнаа на аеродромот во Охрид, каде пред малку слета и  генералниот  секретар на Алијансата Јаап де Хоп Шефер.
Шефер попладне ќе има билатерална средба со премиерот Никола Груевски, а свеченото отворање е во 20 часот. Потоа претседателот Црвенковски за учесниците на форумот ќе приреди коктел на терасата во хотелот „Горица“.

На  менито ќе бидат вкусните и познати македонски специјалитети, истакнува координаторот за кетеринг Столе Филипоски, познат угостител од Скопје, инаку сопственик на рестораните „Воденица“ и „Париз“.Како предјадење ќе се подготви македонската „жетварска закуска“ со полнети тиквички, сарма од лозов лист, домашна пита и цедено млеко, а како главно јадење ќе се сервира филе од тиквешки сом, мариниран во билки на македонски традиционален начин
За подготвувањето и послужувањето на македонските специјалитети се ангажирани над 200 врвни кулинарски мајстори и келнери. 


фото „МИА“

Работниот дел од Безбедносниот форум на НАТО, започнува утре.

Г. Момироски