Едно лице е тешко повредено во сообраќајната несреќа што синоќа околу 23 часот се случила на регионалниот пат Охрид – Св. Стефан, во близина на Хидробиолошкиот завод.
Како што соопшти полицијата, од засега непознати причини, автомобил BMW со скопски регистарски таблички се превртел најмалку два пати, при што со тешки телесни повреди се здобил возачот на возраст од 20 години. Повредениот бил пренесен во специјалната болница за ортопедија и трауматологија „Св Еразмо“ во Охрид, и според последните информации се наоѓа надвор од животна опасност.
На местото на настанот извршен е увид, а истрагата треба да ги открие причините за несреќата.
OhridNews
