Владата ќе го преземе сервисирањето на долговите на општините поради кои тие не можат да влезат во втората фаза од децентрализацијата, најави Зедницата на единиците на локланата самоуправа. Меѓу нив е и Општина Охрид, која единствено поради наследените милионски долгови не може да влезе во втора фаза од децентрализацијата.
Засега не се знае конечната сума што државата ќе ја одвои за подмирување на долговите. Најверојатно општините парите ќе ги добијат како позајмица, а на оптимално решение за помош на општинитезаеднички работат локалната и централната власт.
Вкупните долгови на општините се проценуваат на 12 милиони евра, што е само една десетина од вкупно наследените долгови на општините.
Неодамна градоначалникот на Охрид се поофали дека долговите на општината кон најголемиот доверител – градежната фирма „Гранит“ од 7,5 милиони евра пред 4 години сега изнесуваат само 150.000 евра.
