Градоначалникот Никола Бакрачески денес оствари средба со такси превозниците од Охрид, на која им ги презентира измените во Законот за превоз во патниот сообраќај.
– Во насока на обезбедување што поквалитетен такси превоз, а согласно активностите на Владата и Министерството за транспорт и врски, наша цел е на денешниот состанок со такси здруженијата и индивидуалните такси превозници, да ги слушнеме нивните размислувања околу предложените измени и дополнувања на Законот , со цел да се обезбеди потребната обука за познавање на основен англиски јазик. – изјави градоначалникот Никола Бакрачески.
Такси превозниците беа информирани дека обуката ќе биде целосно бесплатна, односно ќе биде покриена со средства од Министерството за транспорт и врски и од Локалната самоуправа.
Рокот за полагање на испитот е до 01.01.2017 година.
OhridNews
