Туристичките агенции, кои догодина ќе донесат странски туристи во Македонија, ќе имаат можност да повратат дел од средствата, кои ќе ги вложат за овие аранжмани. Ова ќе биде дел од Програмата за субвенционирање на организираниот надворешен, туристички промет, што Министертвото за Економија ќе ја воведе од 1 јануари 2010 година. Целта на оваа мерка е зголемување на бројот на странски туристи, како и зголемување на девизниот прилив од туризам во земјава. Висината на субвенцијата ќе биде различна, а ќе зависи од земјата од која доаѓаат туристите. Исто така ќе биде субвенциониран aвионскиoт-чартер превоз и закупот на седишта во директните авионски линии, од странство до земјава. Основен предуслов, за аплицирање за Програмата на субвенции, е групата на туристи да не биде помала од 10 лица, за кои агенцијата мора да има уплатено, минимум по 3 ноќевања, со појадок, во категоризиран сместувачки објект во Македонија.
Субвенциите во автобускиот сообраќај се движат од 10 до 25 евра, за авиоснкиот од 15 до 45 евра, односно до 15 евра во железничкиот и комбинираниот превоз. Информациите за начинот и потребните документи за аплицирање, Туристичките агенции ќе може да ги побараат во подрачните единици на Министертвото за Економија
Оваа програма за субвенционирање е направна по примерот на Хрватската програма за субвенционирање, која успешно се реализира веќе неколку години.
Ohridnews
