Во насока на одбележување на Светскиот ден на планината, 11 декември, одржана работилница „Птици, ‘рбетници прилагодени за лет“, за учениците од ООУ „Григор Прличев“ – Охрид, во просториите на НП Галичица – Охрид.
Денешниот ден го посветивме на пердувестите животни. Најпрвин научивме за карактеристиките на птиците, како се гнездат, како ги одгледуваат младите, зошто се селат, зошто се индикатори за промените во животната средина и какви различни птици постојат. Креативниот дел го оставивме за крај, бевме доста вредни и направивме хранилки за птици и куќарки за сипки, велат за одржаната работилница од НП „Галичица“.
Од НП „Галичица“ порачуваат дека треба да се грижиме за планината и за целиот животински свет во неа.
OhridNews
