Премиерлигашот Свонси е освојувач на Капитал купот на Англија. Избраниците на данската фудбалска легенда Михаел Лаудруп во финалето го совладаа Брадфорд со 5-0.
Хитот на сезоната во Премиер лигата, Свонси уште во првиот дел најави дека нема да чека до финишот за да го крене трофејот на Вембли. Со головите на Даер и Мичу обезбедија предност од 2-0.
Патот до трофејот и место во Лигата на Европа го трасираа Даер со вториот погодок на мечот и Гузман со “парот“ во финишот од мечот.
Тренерот на Свонси, Лаудруп според последните најави е најсериозен кандидат за наследување на Жозе Мурињо на клупата од Реал Мадрид.
Мх.П.
