Топлотниот бран кој донесе високи дневни температури, над триесеттиот степен Целзиусов, придонесе за пораст на температурата и на водата во Охридското Езеро.

Според утринските мерења на Управата за хидрометеоролошки работи, температурата на езерската вода изнесува 23 степени, што е за степен повеќе во однос на вчерашниот ден.

Според најавите на синоптичарите, топлото време ќе се задржи и во наредните денови, со што се очекува и натамошно затоплување на водата во Охридското Езеро.

Г.М.