Велшанецот Џон Тошак со пораз дебитираше на македонската клупа, иако поразен тој е задоволен од играта на нашиот национален тим, а како директен виновник за поразот го посочува судијата Јилдирим од Турција, кој откако немаше храброст да досуди удар од белата точка. Неколку моменти подоцна Русија успеа да поведе и до крајот да го задржи тој резултат со што ја однесе победата.
“Се чудам зошто судијата не покажа пенал кој постоеше. Тој донесе друго решение, а потоа примивме гол. Тој момент беше клучен за натпреварот. Русија со ништо не не надигра, иако ние знаеме дека играме против силна репрезентација. Македонија е на 90. место на ФИФА листата, и покрај тоа напаѓавме, иако во нашиот состав имаше 4-5 млади играчи за кои ова беше еден голем тест. Повторувам дека Русија е силна репрезентација и не и треба помош од судии. Судењето е сложена работа, и јас никогаш не би сакал да бидам судија. Разочаран сум од резултатот, но не и од играта. Сметам дека не бевме надиграни и се покажавме во добро издание. Како се движеа фудбалерите, можам да бидам целосно задоволен”, искоментира Џон Тошак по мечот во Москва по кој доживуваме уште еден пораз.
Ohridnews
