На брендиран штанд Macedonia timeless се презентираа културните и природните атрактивности на земјата пред потенцијалните туристи од Словенија.
Директорот на Агенцијата за промоција и поддршка на туризмот оствари средба со преставници на туроператорот Компас Словенија, кој ја продава Македонија. Преставниците го информирале директорот дека се поголем е интересот за Македонија, при што се размислува да се реализира чартер лет Љубљана – Охрид почнувајќи од 1- ви мај. Во тој контекст Агенцијата за промоција ќе помогне во реализација на овие активности преку засилена промоција на пазарот во Словенија.
На саемот учествуваа и неколку македонски хотелиери и агенции кои остварија контакт со своите колеги од Словенија.
Презентирањето на саемот во Љубљана се реализира во соработка со македонската амбасада во Љубљана.
