Во текот на утрешниот ден како резултат на циклонска активност на територијата на Република Македонија се најавуваат локални врнежи од дожд кои според прогнозите на места ќе бидат со умерен до засилен интензитет. Овие врнежи поради нивниот локален и краткотраен карактер не се очекува да предизвикаат излевање на поголемите реки низ земјава иако е можно извесно зголемување на нивниот водостој, информира Управата за хидрометеоролошки работи – УХМР.
-Доколку ваквите краткотрајни интензивни врнежи од дожд на поедини места бидат со висок интензитет можно е да предизвикаат брзо истекување кај малите реки и суводолиците низ земјава. Исто така, доколку процесите бидат поинтензивни проследени со силен ветер и во форма на невреме, можно е во градските урбани средини (вклучително и градот Скопје) поради неможноста за впивање на водата да предизвикаат брзо отекување низ градските улици. Препорачуваме за внимателно движење покрај помалите реки и суводолиците, како и на сите оние места каде во текот на утрешниот ден се очекуваат интензивни поројни врнежи од дожд. – стои во вонредното соопштение на УХМР.
OhridNews
