Со маестралните игри на почетокот од сезоната во дресот на Манчестер Јунајтед, Робин ван Перси брзо стана миленик на навивачите од Олд Трафорд. Холанѓанецот на 21 натпревар постигна 16 голови што го прави најдобар стрелец во Премиер лигата.
– Во Манчестер сите се чувствуваат како шампиони и за брзо време тоа чувство го префрлија на мене. Тука сите имаат победнички цели и си помогаат да ги остварат тие. Сезонава покажавме голем карактер затоа сме првопласирани на табелата – потенцираше Робин ван Перси.
Менаџерот на “црвените ѓаволи“, Сер Алекс Фергусон лично со Арсен Венгер преговарал за доведување на Ван Перси на Олд Трафорд. Тоа и то како се исплатеше откако Холанѓанецот постигна клучни голови за победи сезонава.
Мх.П.
