Актуелниот првак во регионалната СЕХА лига, Вардар ПРО во финалето ќе се сретне против Загреб, а селекторот на македонска ракометна репрезентација Ивица Обрван го смета македонскиот преставник за фаворит во борбата за златниот медал.
– Со ваква поддршка од трибините немам дилема кој е фаворит. Пред ваква публика ракометарите ќе го дадат она што го немаат. Но, не треба да ги понесе триумфот против Металург и да летнат во облаци во финалето зошто тоа скапо ќе ги чини – истакна селекторот на Македонија, Ивица Обрван за “Екипа.мк“.
Хрватскиот стратег Обрван минатата сезона ја прекина соработката со Загреб токму по поразот од Вардар Про во полуфиналето од СЕХА лигата.
Мх.П.
