Вечерва се затвора 65. издание на Балканскиот фестивал на народни песни и игри. Фестивалот традиционално ги обединува ансамблите од Балканот, кои преку музика, игра и народни носии ја претставуваат богатата културна разноликост и автентичност на своите земји.
Љубителите на фолклорот имаа можност да погледнат настапи на фолклорни ансамбли од Македонија и од неколку балкански земји, а вечерва на затворањето ќе настапат КУД „Дримкол“ од Вевчани, Р.С.Македонија и Државниот ансамбл на Хрватска „ЛАДО’’.
Ансамблот „ЛАДО’’ е познат по тоа што ги обединува играта, песната и музиката во единствен сценски здив. Неговите изведувачи не се само играорци, туку и пејачи, а музичкиот состав ја надополнува сценската слика со традиционални и класични инструменти, создавајќи раскошна звучна и визуелна целина.
Настанот ќе се одржи во Центарот за култура „Григор Прличев“ во Охрид со почеток во 20:30 часот.
OhridNews
