Денес и утре во Охрид ќе се одржи второто издание на Ohrid Cocкtail Festival. Организаторите, BNJ production, најавуваат збогатена програма, коктели што раскажуваат приказни, музика што ги спојува луѓето и одлична атмосфера.
Годинава на Фестивалот учество ќе земат 14 барови од 4 градови, а новина е „Бар Шоу“ кое почнува од 18 часот и посетителите ќе можат да уживаат во двочасовна презентација и дегустација на премиум жестоки пијалаци.
Двата дена од 20:00 часот до 01:30 имаме музичка програма и започнуваат баровите со работа. Сите барови ќе излегуваат со сопствени коктели, коишто ќе ги продаваат по промотивна фестивалска цена. Во поглед на програмата, исто како лани, имаме поп-рок музика, односно диџеи и бендови, велат организаторите.
Музичката програмата започнува од 20 часот, а посетителите вечерва ќе ги забавуваат Urban Planet, No FUN, DJ Vanco, DJ Jaybeats и DJ Gec. Утре од 18:00 часот повторно ќе има „Бар Шоу“, a подоцна од 20:00 часот започнуваат баровите и музичката програма. Оваа вечер за забавата ќе бидат задолжени DJ Dostin, DJ Mario кој ја отвора втората вечер, потоа Brass Brothers и на крај вечерта, односно фестивалот го затвора DJ Face.
Минатата година на Фестивалот имало преку 10 000 посетители, а очекувањата се годинава нивниот број да биде над 15 000.
Ohrid Cocкtail Festival ќе се одржи на кеј „Македонија“ пред хотелот „Палас“.
OhridNews
