Како што раскажува Отец Сашо Ристески, парохиски свештеник во црквата Свети Никола, реконструктивните работи започнале пред 2008, кога била срушена старата градба и на незјзино место, првично, се изградиле просторија за продажба на свеќи, канцеларија, влез, се доградила крстилница за кршетевање.
– Моја желба и на црковниот одбор е овој храм да биде еден од најубавите во градот и за тоа максимално се грижиме. Во изминатите 20 години, храмот беше неактивна црква во парохиска смисла. Немаше секоја недела служба и парохиски свештеник кој ги извршува тие служби. Од јануари 2008, со одлука на Владиката Тимотеј сум поставен за свештеник и црквата стана парохиски активна, а задоволството е уште поголемо поради фактот што последните три години се поголем е бројот на верници кои редовно доаѓаат, вели Отец Сашо.
Изградена е камбанарија и поставено е ново звоно, а во јануари годинава и нов иконостас од ореово дрво, изработен во резба.
– Поголемиот дел од градежните работи и внатрешното уредување финансиски се покриени преку донации. Новиот мермерен под и иконостасот, во целост, се донација на Љубе Јовчески од Скопје. Морам да ги споменам и останатите кои ја помогнаа реконструкцијата- Јован Милошески при набавката на камбанаријата и сега реставрацијата на иконите, Климе Талев, кој помогна за поставувањето на олтарот и новиот престол. Благодарни сме и на сите останати кои донирале макар и еден денар, секој според можностите, но најважно е тоа да биде од срце, потенцира Отец Сашо.
Околу значењето на големиот празник кој ни претстои и обичаите, повеќе во најновото издание на “Охридски разговори”.