Дневните температури во одредени региони во земјава викендов ќе го надминат 40-от степен Целзиусов и ќе навлезат во таканаречената портокалова фаза, опасна по здравјето на луѓето. Топлотниот бран со висок УВ индекс од портокалова фаза ќе ги зафати југоисточните делови од земјата, Пелагонија и скопската котлина.
Во Охрид викендов температури од таканаречената жолта фаза, втора по опасност. Максималната дневна температура денеска во охридско ќе достигне до 34 степени, а УВ зрачењето ќе биде исклучително високо и ќе достигне индекс 9.
Температурата на водата во Оридското Езеро според последните мерења извршени вчера, изнесува 26,5 степени Целзиусови.
Многу топло време ќе имаме и во недела, а веќе од понеделник се очекува драстичен пад на дневните температури кои во вторник и среда ќе бидат за десетина степени пониски од денешните.
OhridNews
