Извршниот комитет на ВМРО-ДПМНЕ на својата денешна седница донесе одлука да препорача на пратеничката група на ВМРО-ДПМНЕ да го повлече од процедура во редовната постапка предлогот за донесување закон за посебните права на припадниците на безбедносните сили на Република Македонија и за членовите на нивните семејства и повторно да го поднесе во скратена постапка до Собранието на Република Македонија, пренесува „Телма“.
Како што се наведува во соопштението, Извршниот комитет на ВМРО-ДПМНЕ препорача до пратеничката група да се заложи за ограничување на дискусиите во новата скратена постапка во работата на комисиите, согласно правилата од Деловникот за работа што важат за пленарната седница на Собранието на Република Македонија, а со цел да се спречи злоупотребувањето на Деловникот и несуштинското траење, односно одолговлекување на дискусиите.
