Тој додаде дека споменатите фактори ги лоцира кај државите и поединците кои посакуваат Македонија да има дополнителни недостатоци во однос на евроинтеграциите. – Сепак најголемата одговорност ја гледам кај внатрешните фактори- политичките партии, институциите и Државната изборна комисија. Од нив очекувам да го дадат својот најголем влог за да покажеме дека сме земја која има капацитет да спроведе фер и демократски избори, рече Милошоски.
На конвенцијата покрај носителот на листата, беа претставени и тројцата кандидати за пратеници од Охрид.
– Уште во 2006 ветивме програма исполнета со рокови за која многумина се чудеа дали е остварлива. Со довербата која ја добивме и мнозинството пратеници во парламентот, успеавме да ја реализираме. Сега сме на прагот на предвремени избори кои уште еднаш ќе покажат дека го заслуживме вашиот глас и повторно да им се даде довербата на оие кои внесуваат свежина и квалитет на политичката сцена, истакна кандидатот за пратеник Анита Кипаризоска- Крстеска.
– Тргнуваме во уште една нова победа на ВМРО- ДПМНЕ, единствената партија која излезе со отчет за сработеното во изминатите години и единствената политичка опција која раководеше преку проекти, а не со демагогија, рече кандидатот за пратеник, Хари Шокароски.
Александар Николоски потенцира дека на предвремените избори ВМРО- ДПМНЕ очекува да освои најмалку 63 пратенички места, а во Охрид најмалку 18. 000 гласа.– Знам дека 5- ти јуни овде ќе ја славиме победата, затоа што со чист образ ја бараме довербата за наредните 4 години со цел да ги реализираме ветените проекти. Останавме без ниедна корупциска афера, и понатаму блиски до луѓето. За Охрид направивме многу, а со новата програма ќе направиме уште повеќе, рече Николоски.