Охридското Езеро е пред еколошка катастрофа поради расипничкото однесување на власта на СДСМ. Водостојот на езерото се наоѓа на 693,09 метри надморска височина што е за 1 см под природниот минимум и 8 см под дозволениот минимум. Ова денеска на прес конференција го изјави Александар Здравевски, претседател на УМС ВМРО-ДПМНЕ ОК Охрид.

СДСМ и пратеничката Жаклина Лазаревска токму од ова место тврдеа дека ако се власт, веднаш би реагирале за нивото на езерото, но еве гледаме дека молчат. Слика имаат, тон немаат исто како оваа картонска макета со која ја потсетуваме пратеничката Лазаревска што вети и излажа како и за сè друго досега. Зошто власта дозволува зголемено испуштање на вода во реката Црн Дрим? Зарем не мислат со ЕЛЕМ да престанат да го злоупотребуваат езерото за производство на електрична енергија? Зборот не е збор затоа што власта не презема соодветни мерки преку кои ќе се спречи понатамошното влошување на состојбата во Охридското Езеро. – рече Зафироски.

Доколку власта и Лазаревска не преземат мерки за заштита, тогаш ќе се потврди дека наместо да спречат тие помагаат во уништувањето на езерото, додаде Зафироски.

OhridNews