На Булеварот „Туристичка„ при контрола на патничко возило, возачот Р.И. (22) од Велешта и А.И. (28) од Охрид, двајцата во алкохолизирана состојба, најнапред вербално ги навредувале, а потоа Р.И. од Велешта и физички се обидел да нападне полициски службеници. Двајцата, веднаш биле приведени во СВР Охрид.

Како што информираат од СВР- Охрид, контролата била дел од интензивните контролни мерки, кои викендов се превзеле од страна на полициските службеници со цел зголемување на безбедноста во патниот сообраќај.

Контролирани биле вкупно 80 возачи на моторни возила, а извршен е преглед на 36 возила. При тоа, времено биле одземени три возачки дозволи, а кај пет возачи утврдено било присуство на алкохол.

OhridNews
извор: СВР