Во четврток со почеток во 10 часот ќе се одржи 47- та седница на Советот на Општина Охрид.
Општинските избраници ќе треба да расправаат за предлог одлуките за поддршка на проектот „Управување со ризици од поплави“ , за ,,Искористување и уништување на градежен отпад и асвалт“ и за усвојување на годишната програма за поставување на урбана опрема во општина Охрид. Исто така на гласање ќе се најдат и предлог одлуките за продолжување на работното време на угостителските објекти и за организирање на режимот на сообраќај на дел од територијата на општина Охрид. Прeд советниците ќе се најдат и извештаите за работење на општинските јавни претпријатија за првите три месеци од 2012 година.
На дневниот ред на седницата ќе бидат и неколку предог одлуки за нацрт детални урбанистички планови.
OhridNews
