Во мај во Охрид издадени 12, во Струга 10 одобренија за градење

Во Охрид во мај годинава биле издадени 12 одобренија за градење покажуваат податоците на Државниот завод за статистика. Од нив седум на физички лица и пет на деловни субјекти. Предвидената вредност на објектите изнесува 461 216 илјади денари. Со издадените одобренија е предвидена изградба на 145 станови со вкупна корисна површина од 9 494 м². Најголем дел од планираните станови се двособни – 89, додека 46 се трособни, пет еднособни…

За споредба во мај месец во 2025 биле издадени 10, а во 2024 година 14 одобренија за градење во Охрид.

Во Струга во мај годинава се издадени 10 одобренија за градење на девет физички лица и еден деловен субјект. Предвидената вредност на објектите изнесува 80 259 илјади денари. Со овие одобренија е планирана е изградба на 28 станови со корисна површина од 2 336 м².

Во Дебрца нема издадено ниту едно одобрение.

На ниво на држава издадени се  340 одобрение за градење, што е за 27.5 % помалку во однос на истиот месец од претходната година. Во извештајниот период е предвидена изградба на 840 станови со вкупна корисна површина од  71 561 м².

Н.С.Ј.