Во одбележувањето на Светскиот ден на борба против СИДА, 1-ви Декември, вклучени се и Црвениот крст од Охрид и невладината организација „Опција“. На специјално поставени пунктови на Плоштад, активисти на овие организации цела следна недела ќе делат флаери со едукативен материјал за заштита од СИДА, како и презервативи.

„Не е важен само  1-ви декември. „Опција“ и Црвен крст работат преку цела година, а најмногу со ризичната група (лица кои инјектираат дрога) за едукација и превенција од оваа опака болест“ вели Царева Рувинова, активист од оваа граѓанска асоцијација. „Како дел од понудените опции се и бесплатен ХИВ/СИДА тест, со максимална доверливост, потоа бесплатно советување и едукација“ додаде таа.

Во Македонија официјално се регистрирани 102 лица со ХИВ/СИДА. Педесет и пет од нив веќе се починати. Во моментов 12 лица се на третман со антиретровирусна терапија.

Македонија деновиве ја промовираше новата стратегија за борба против СИДА 2007/2011 која  е фокусирана на пет стратешки области и тоа првенција на ХИВ инфекцијата кај групите под најголем ризик, други превентивни стратегии со поширок опфат, обезбедување третман, грижа и поддршка на лицата кои живеат со ХИВ/СИДА, собирање и користење стратешки информации.


Ќе се делат флаери цела следна недела

Активностите по повод Неделата на борба протв сидата од понеделник се селат во основните и средните ушилишта во Охрид.

С.К.