Осмата Македонско-северноамериканска конференција, денеска свечено беше отворена во Конгресниот центар во Охрид.
На отворањето на конференцијата што се одржува во организација на Универзитетот „Свети Кирил и Методиј“ од Скопје, присуствуваше претседателот на државата Ѓорѓе Иванов, кој истакна дека ваквите настани даваат исклучително вреден придонес кон зацврстувањето, негувањето и афирмацијата на македонскиот јазик, литература и култура.
Во рамки на конференцијата познатиот македонист, аакадемик Виктор Фридман, го промовираше Зборникот од 7-та Македонско-северноамериканска конференција.
На конференцијата учествуваат лингвисти и научни истражувачи од Европа и Северна Америка, кои денес и утре ќе ги изложат свои стручни согледувања и истражувачки резултати поврзани со македонскиот јазик, литературата и културата.
OhridNews
