Наредните два дена во Тирана , ќе се одржи деветтиот работен состанок на Дрим Кор Групата на кој ќе се разгледуваат досегашните активности и носат одлуки за наредниот период на имплементација . На состанокот се очекува да се презентира и одобри Финалната стратешка рамка на големиот ГЕФ проект за заедничко управување со Дримскиот Басен, што беше одобрен од Советот на Глобалниот Еколошки Фонд, како и да се презентираат извештаите за актуелните проекти за биодиверзитет и за Биосферен резерват кои се одвиваат во рамките на Дримскиот Басен.
– Со оглед на фактот дека имплементационата фаза на новиот ГЕФ проект треба да започне во првиот квартал на 2014 година сега се поставуваат плановите за активности по компоненти и се дефинираат буџетските рамки. На овој состанок на Дрим Кор групата ќе се избере и бренд име на процесот за негова визуелна идентификација која ќе помогне во вклучување на целата јавност во процесот на управување.Ова е момент на силна политичка и меѓународна поддршка и мора да се искористи за да почне да се решаваат клучните прашања во дримскиот басен и заштитата на езерата во него“ – вели Дејан Пановски,член на Дрим Кор Групата.
Истовремено во Тирана ќе се одржи и Конференција на сите засегнати страни од Дримскиот Басен на која ќе се презентира имплементацијата на Меморандумот за разбирање , координацијата на националните имеѓународните факториво процесот и разманата на информации меѓу сите пет земји од Басенот. На Конференцијата ќе учествуваат високи политички преставници на надлежните министерства , од локалните самоуправи од Басенот, експерти ,преставници на науката и на невладиниот сектор и водечките преставници на меѓународните организации кои се поддршка на Дримскиот процес.
OhridNews