Премиерот Зоран Заев и лидер на владејачката СДСМ ја прифати поканата на претседателот на ВМРО-ДПМНЕ, Христијан Мицкоски за телевизиски дуел. Терминот и медиумот допрва ќе треба да се договорат, пренесува тв Телма.
Мицкоски доцна синоќа по седницата на Централниот комитет на ВМРО ДПМНЕ соопшти дека ја прифаќа поканата на Заев за тет а тет средба, но само пред очите на јавноста.
Најавениот ќе биде прв дуел на лидери на партии после 20 години. Последниот беше во 1998 година меѓу тогашните претседатели на СДСМ и на ВМРО-ДПМНЕ, Бранко Црвенковски и Љубчо Георгиевски.
На 2 јуни ВМРО-ДПМНЕ ќе одржи голем протестен собир пред Владата.
OhridNews