Преку реализација на проект ќе се зајакнуваат капацитетите за едукација за заштита на природата со акцент на заштита на пештерите и лилјаците во Националниот парк Галичица. Одржана беше почетна работилница на која беа реализирани инфо-презентации за работата на сите вклучени страни. 
Во рамките на проектот „Развој на едукативни ресурси за заштита на пештерите и лилјаците во Националниот парк Галичица“ предвидено е подготовка на 2 едукативни модули и 2 интерактивни игри за заштита на пештери и лилјаци во Националниот парк Галичица, наменети за деца од градинки и ученици од основни училишта. Спроведување на обука за едукатори за имплементација на модулите, како и едукативни работилници во градинките и основните училишта на територијата на општина Охрид. Предвидена е и теренска посета во пештера во Националниот парк Галичица, како и работилници за споделување искуства и вмрежување, како и развивање едукативна иницијатива за заштита на пештери и лилјаци во Националниот парк Галичица, велат од ОО Црвен крст Охрид.
Главен апликант и носител на проектот е Црвен крст Охрид во партнерство со Истражувачкото друштво „Урсус спелеос“ и Здружението на граѓани Еко Логик, а проектот ќе се реализира во периодот од ноември 2021 до jуни 2022 година. Проектот е поддржан од PONT и Critical Ecosystem Partnership Fund (CEPF).
OhridNews
