Николче Здравески ја преживеа Лозана и по укинувањето на суспензијата преку екипата на 11 Октомври, се враќа во македонскиот фудбал.
Прилепскиот второлигаш уште на стартот на новиот шампионат е еден од фаворитете за влез во елитното друштво.
– Очекувам во текот на нареднава недела да ни се приклучат уште двајца фудбалери еден играч за врска и напаѓачот Гешовски. Мислам оти во оваа второлигашка конкуренција ќе ги исполниме предвидувањата на спонзорот “Витаминка“ – вели Николче Здравески, по одигрувањето на првиот натпревар на подготовките во Охрид, против новајлијата во второлигашкото друштво Охрид Лоте кој заврши 1-1.
– Презадоволен сум од играта на нашиот прв тест,имаме уште месец дена до стартот на шампионатот да влеземе во посакуваната форма – истакна Здравески.
На подготовките во Охрид, Здравески ќе го филтрира составот кој во моментов брои 27 играчи.Наредната контрола ќе ја имаат против Охрид 2004, а ќе му спарингуваат и на Напредок од Кичево.
М.П.
