Со четртфиналните дуели Амак СП – МЗТ Скопје и Пелистер – Овче Поле в среда 22 април започнува разигрувањето за титулата во македонскиот кошаркаски шампионат.
Фени и Работнички, кои лигашкиот дел го завршија како прво односно второпласиран, се слободни во првиот круг од плејофот.
Шампионот Фени ќе го чека подобриот од серијата помеѓу Амак-СП и МЗТ Скопје, која почнува во “Билјанини Извори“ без почетна предност за ниту една екипа.
„Шпедитерите“, ќе го чекаат исходот во пресметката Пелистер – Овче Поле во која битолчани влегуват со предност 1-0 (подобар меѓусебен скор во регуларниот дел) и кој првиот меч го игра на домашен терен.
Четврт-финалето се игра до две победи, а додека полуфиналето до три.
М.П.
