Народен театар Охрид започнува со подготовките за новата новогодишна претстава „Битката за Мразово“, по текст и во режија на Ирена Стеријовска. Во рамките на проектот, театарот објави јавен повик за аудиција за избор на младо актерско име кое ќе ја толкува главната улога – детето под среќна ѕвезда.
Аудицијата е наменета за деца на возраст од 7 до 12 години, а ќе се одржи во сабота, 7 ноември 2026 година, на малата сцена при НУЦК „Григор Прличев“ во Охрид, со почеток во 11:00 часот.
Од театарот информираат дека сите заинтересирани кандидати можат да се пријават преку испраќање пријава на е-маил адресата: [email protected].
Избраниот кандидат или кандидатка ќе има можност да биде дел од професионален процес и едномесечни подготовки со ансамблот на театарот, сѐ до премиерата и претстојните репризни изведби на претставата.
Дојди на аудиција. Можеби токму ти, си детето под среќна ѕвезда, порачуваат од Народен театар Охрид.
OhridNews
